Servicios Sociales Vitoria-Gasteiz

 📢 Vitoria-Gasteiz मा बस्ने नेपालीहरूका लागि सामाजिक सहायता सम्बन्धी महत्वपूर्ण जानकारी

Vitoria-Gasteiz Ayuntamiento (नगरपालिका) को Servicios Sociales बाट आर्थिक समस्या भएका व्यक्ति तथा परिवारलाई विभिन्न प्रकारका सामाजिक सहायता उपलब्ध छन्।

🏠 1. Ayudas de Emergencia Social (AES) के हो?

AES = Ayudas de Emergencia Social हो। यो आर्थिक समस्या भएका व्यक्ति वा परिवारलाई आवश्यक खर्च व्यवस्थापन गर्न सहयोग गर्ने सहायता हो।

यसबाट अवस्था अनुसार:

✅ घरभाडा (alquiler)
✅ घरको maintenance/सम्बन्धी खर्च
✅ बिजुली तथा ऊर्जा (energía)
✅ घरसम्बन्धी ऋण/बक्यौता
✅ खाना तथा आधारभूत आवश्यकता
✅ कपडा/जुत्ता
✅ स्वास्थ्यसम्बन्धी केही खर्च
जस्ता आवश्यकतामा सहयोग हुन सक्छ।

💶 2. कति पैसा दिन्छ?

AES मा सबैलाई €500 वा €540 निश्चित रूपमा दिइँदैन।

२०२६ मा AES को रकम र अधिकतम सीमा सम्बन्धी नियम हरेक वर्ष Gobierno Vasco ले निर्धारण गर्छ, र Vitoria-Gasteiz Ayuntamiento ले तपाईंको वास्तविक अवस्था हेरेर आवेदन मूल्याङ्कन गर्छ।

त्यसैले कसैले “Vitoria मा AES बाट €540 आउँछ” भनेको हुन सक्छ, तर €540 सबै व्यक्तिले पाउने fixed monthly payment होइन।

यो RGI जस्तो हरेक महिना निश्चित आम्दानी दिने सहायता पनि होइन। कुन खर्चका लागि सहायता मागिएको हो र तपाईंको आर्थिक अवस्था कस्तो छ भन्ने आधारमा रकम निर्धारण हुन्छ।

📅 3. कति समय Vitoria मा बसेको हुनुपर्छ?

AES का लागि सामान्यतया:

➡️ Euskadi (País Vasco) को कुनै पनि नगरपालिका क्षेत्रमा कम्तीमा ६ महिना अगाडिदेखि empadronado र वास्तविक रूपमा बसोबास गरेको हुनुपर्छ।

➡️ साथै सामान्यतया कम्तीमा १ वर्षदेखि independent household (hogar independiente) भएको हुनुपर्छ।

➡️ पर्याप्त आर्थिक स्रोत नभएको हुनुपर्छ।

🏙️ 4. Vitoria-Gasteiz को आफ्नै नगरपालिका सहायता

AES बाहेक Ayuntamiento de Vitoria-Gasteiz ले आफ्नै “Prestaciones Municipales” पनि दिन सक्छ।

यी सहायता:

• खाना
• hygiene
• कपडा/जुत्ता
• घरभाडा/आवास
• ऊर्जा
• स्वास्थ्य
• घरसम्बन्धी ऋण
• पढाइ/तालिमसँग सम्बन्धित खर्च
• अत्यन्त आवश्यक व्यक्तिगत खर्च
आदि पूरा गर्न प्रयोग हुन सक्छन्।

यसको लागि सामान्यतया वयस्क भएको, Vitoria-Gasteiz मा कम्तीमा ६ महिना लगातार empadronado र वास्तविक रूपमा बसेको, र पर्याप्त आर्थिक स्रोत नभएको हुनुपर्छ।

📝 5. कसरी Apply गर्ने?

सबैभन्दा महत्वपूर्ण कुरा:

AES वा नगरपालिका सामाजिक सहायता लिन पहिले आफ्नो घर/ठेगाना अनुसारको Servicio Social de Base मा appointment लिनुपर्छ।

त्यहाँ Trabajadora Social (Social Worker) ले तपाईंको अवस्था हेर्छिन्/हेर्नुहुन्छ र कुन सहायता तपाईंका लागि उपयुक्त हुन्छ भनेर मूल्याङ्कन गर्छिन्। त्यसपछि आवश्यक कागजातसहित आवेदन प्रक्रिया अगाडि बढाइन्छ।

👉 त्यसैले केवल “६ महिना पुगेपछि €540 माग्ने” होइन। पहिले Social Services मा आफ्नो आर्थिक तथा पारिवारिक अवस्था देखाएर कुन सहायता पाउन योग्य छु? भनेर मूल्याङ्कन गराउनुपर्छ।

📌 साधारणतया तयार राख्नुपर्ने कागजात

आवेदनको प्रकारअनुसार फरक पर्न सक्छ, तर सामान्यतया:

📄 DNI/NIE/TIE
📄 Empadronamiento
📄 परिवारका सदस्यहरूको कागजात
📄 बैंक खाताको विवरण/आम्दानीसम्बन्धी प्रमाण
📄 काम भएमा nómina
📄 बेरोजगार भएमा सम्बन्धित प्रमाण
📄 घरभाडाको contrato र alquiler को प्रमाण
📄 बिजुली/ग्यास आदि बिल
📄 अन्य आर्थिक अवस्था देखाउने कागजात

Social Worker ले तपाईंको केसअनुसार थप कागजात माग्न सक्छ।

⚠️ RGI र AES एउटै होइन

RGI → Lanbide मार्फत हुने आय-सहायता।

AES → Vitoria-Gasteiz जस्तो नगरपालिका मार्फत प्रक्रिया हुने आपतकालीन/आवश्यक खर्चसम्बन्धी सहायता।

Vitoria-Gasteiz को आधिकारिक जानकारीअनुसार AES को आवेदन आफ्नो domicilio अनुसारको Servicio Social de Base मा गर्न सकिन्छ।

Vitoria-Gasteiz ले आफ्ना सामाजिक सेवामार्फत खाना, आवास, कपडा, ऊर्जा, स्वास्थ्य र अन्य आधारभूत खर्चमा सहायता उपलब्ध गराउँछ।

⚠️ तर एउटा कुरा धेरै महत्वपूर्ण

“६ महिना पुगेपछि €500–€540 हरेक महिना पाइन्छ” भनेर निश्चित मान्नु हुँदैन।
AES र नगरपालिका सहायता आवश्यकता र आर्थिक अवस्थाका आधारमा निर्धारण हुन्छन्। २०२६ मा Ayuntamiento ले AES तथा नगरपालिका आर्थिक सहायताका लागि €10 million भन्दा बढी बजेट छुट्याएको छ।

त्यसैले एउटै परिवारले AES + नगरपालिका सहायता + RGI + IMV सबै पाउने/नपाउने कुरा उसको व्यक्तिगत अवस्थाले निर्धारण गर्छ; एउटै रकम सबैलाई लागू हुँदैन।

📍 कहाँ गएर सबै कुरा एकैपटक सोध्ने?

सबैभन्दा राम्रो बाटो Vitoria-Gasteiz को Servicio Social de Base मा appointment लिनु हो। त्यहाँ Social Worker ले तपाईंको empadronamiento, परिवार, आम्दानी, घरभाडा र अन्य अवस्था हेरेर कुन-कुन सहायता माग्न मिल्छ भनेर बताउँछ।

उदाहरणका लागि, Servicio Social de Base - Zabalgana जस्ता स्थानीय सामाजिक सेवा केन्द्रहरू छन्। आपतकालीन अवस्थामा Servicio Municipal de Ugencias Sociales de Vitoria-Gasteiz पनि छ।

Ayuntamiento को सामान्य सूचना नम्बर 010 वा 945 16 11 00  हो। 

Nepali in Bilbao